Taliblər qrupunun üzvləri Kabildən Qəndhara gedən şosse yolunda bir körpünü partladaraq Paytaxtın cənuba gedən yeganə şossesini bağlayıblar.

İRİB-in verdiyi məlumata görə, Meydan Vərdək icra hakimiyyətinin sözçüsü Əbdürrəhman Məngəl bu gün deyib: Taliblər vilayətin seyidabad rayonunda Kabil-Qəndhar şossesi istiqamətində yerləşən bir körpünü partladıblar və nəticədə bu magistral yol yüzlərlə nəqliyyat vasitəsinin üzünə bağlı qalıb. 

Sözçü deyib: Əfqanıstanın təhlükəsizlik qüvvələri ilə taliblər arasında Seyidabad rayonunda şiddətli toqquşmalar davam edir və nəqliyyat vasitələrinin kənar yollardan ötürülməsinə cəhd göstərilir.