Yəmənin Ali Siyasi Şurasının rəhbəri çərşənbə günü Avropa Birliyinin Yəməndəki heyətinin rəhbəri Maria Antonia Kalfo ilə görüşdə Avropa ölkələrinin Yəmənə təcavüz edənlərə silah ixracını durdurmasını istəyib.

İRNA-nın məlumatına görə, Mehdi əl-Muşat deyib: Artıq Avropa Birliyinin bu ölkələrə "artıq bəsdir" deməsinin vaxtı gəlib çatıb. 

Yəmənin Ali Siyasi Şurasının sədri ümidvarlıq edib ki, Avropa Birliyi bu mərhələdə böhranın həlli və təcavüzkarların Yəmənə hücumunun durdurulması üçün önəmli rolu oynayacaq və bu ölkə qarşısında beynəlxalq mövqelər tarazlığı əldə edəcək. 

Britaniya, Fransa, Almaniya, İtaliya, Xorvatiya, İsveç, Belçika, Slovakiya, Çexiya Respublikası və İspaniya Səudiyyə Ərəbistanına ən çox silah ixrac edən Avropa ölkələri arasındadır.