Qəzzə zolağının cənubunda keçirilən "Qayıdış haqqı" aksiyasının 16-cı günündə yaralanmış bir fələstinli yeniyetmə bu gün yaralarının ağırlığı üzündən şəhid olub.

Fələstin səhiyyə nazirliyi bildirib ki, cümə günü Qəzzə zolağının cənubunda yerləşən Xan Yunus şəhərinin şərqində keçirilən "Qayıdış haqqı" aksiyasında yaralanmış Muhəmməd Nasir Şərab bu gün yaralarının ağırlığı üzündən şəhid olub. Bu fələstinli yeniyetmənin şəhid olması ilə şəhidlərin sayı iki nəfərə çatıb. Eyni zamanda bu fələstinli yeniyetmənin şəhid olması ilə "Qayıdış haqqı" aksiyasında şəhid olan fələstinlilərin sayı 146 nəfərə çatıb və on altı min nəfərə yaxın fələstinli də həmin aksiyalarda yaralanıbdır ki, onlardan onlarla nəfərin vəziyyəti ağırdır.

"Qayıdış haqqı" aksiyası "Yer günü" münasibətilə martın otuzundan bəri Qəzzə zolağında və işğal olunmuş ərazilərdə keçirilməkdədir.