SAHAR

Ərəbistanda hakim rejimi və ABŞ-ın siyasətlərini tənqid edən ruhaninin həbs olunmasının ardınca şahzadə Xalid Fərhan Ali Səud deyib: Ərəbistanda siyasi iflas pik həddə çatıb.

Ərəbistanın təhlükəsizlik qüvvələri cümə axşamı bu ölkə ruhanilərindən olan Səfər Əl-Həvalinin mənzilinə basqın ediblər. Səfər Əl-Həvaini oğlu ilə birlikdə həbs edən təhlükəsizlik qüvvələri onları naməlum məkana aparıbalr.

Əl-Həvali "Müsəlmanlar və Qərb Sivilizasiyası" adlı kitabının nəşr olunmasının ardınca saxlanılıb. Bu ərəbistanlı ruhani öz kitabında Ərəbistanın ABŞ hökumətinin mənafeyini təmin etmək üçün mənasız pul xərcləmələrini və ABŞ prezidenti Donald Trampın bu ölkəyə olan səfəri zamanı ona milyardlarla dollar pul verməsini tənqid edib.

Ötən bir ildə xüsusilə Məhəmməd Bin Salmanın Ərəbistan vəliəhdi təyin edilməsindən sonra Ərəbistanın onlarla tanınmış iş adamı, ruhanisi, şahzadəsi və din alimi həbs edilib.