Bu gün Əfqanıstanın paytaxtı Kabil şəhərində güclü partlayış baş verib.

İRNA-nın məlumatına görə, Kabil polisi partlayışın Kəndlərin İnkişafı Nazirliyinin binası yaxınlığında baş verdiyini bildirib. 

Polisin yaydığı məlumatda partlayış nəticəsində ölən və yaralananların sayına işarə olunmayıb. 

Amma, Əfqanıstanın Kəndlərin İnkişafı Nazirliyinin sözçüsü Firudin Ajandın dediyinə görə, partlayış nəticəsində nazirliyin 4 əməkdaşı həlak olub, daha 4 nəfər isə yaralanıb. 

İndiyə kimi bu partlayışın məsuliyyətini hansısa qrup öz üzərinə götürməyib.