SAHAR

Yeni sionist qəsəbələrin tikilməsinin ardınca Nablusun şimal-qərbindəki Səbsətiyyə qəsəbəsi bu gün səhərdən bəri etirazçı fələstinlilərlə sionist hərbçilər arasında geniş toqquşmaların şahididir.

Sionist rejim hərbçilərinin Bita qəsəbəsinin girəcəyini bağlamalarından, həmçinin səs bombaları və gözyaşardıcı qaz ilə tarixi  Səbsətiyyə məntəqəsinə hücum etmələrindən sonra fələstinlilərlə şiddətli toqquşma baş veribdir.

Hələ bu toqquşmada ölənlərin və yaralıların sayı barədə məlumat yayılmayıbdır.

Həmçinin sionist rejim ordusu Əlxəlilin cənubunda yerləşən Əlfəvvar düşərgəsinin əsas girəcəyində dəmir maneə yerləşdirərək, bu keçidi bağlayıbdır.

Yerli mənbələrin sözlərinə görə, sionist hərbçilər Səir və Həlhul qəsəbələri, eləcə də Əlxəlil şəhərinin şimal girəcəklərində hərbi təchizatlar yerləşdirərək, fələstinli avtomobil və sakinlərin gediş-gəlişlərini əngəlləyiblər.

Digər xəbərə görə, sionist rejimin hərbi qayıqları qanunsuz bir hərəkətdə Qəzzə zolağında yerləşən Dəyrulbələhin ətrafında fələstinli balıqçılara atəş açıblar. İndiyədək yaralanmış fələstinli balıqçıların sayı barədə məlumat yayılmayıbdır.