YUNİSEF Yəmənin böhranlı vəziyyəti haqda xəbərdarlıq etdi
BMT-nin Uşaq Fondu YUNİSEF bildirib: Yəməndə qarşıdurmaların davam etməsi humanitar fəaliyyətləri problemlə üzləşdirib.
Livanın əl-Məyadin televiziyasının məlumatına görə, YUNİSEF çərşənbə günü xəbərdarlıq edib: Qarşıdurmaların davam etməsi Yəməndə səhiyyə sisteminin böhranlı olmasına gətirib çıxarıb və yerli dairələr və beynəlxalq humanitar təşkilatların fəaliyyətini problemlə üzləşdirib.
BMT-nin Uşaq Fondu bildirib: Yerli dairələr və beynəlxalq humanitar təşkilatlar Yəməndə vəba epidemiyasının yayılmasının qarşısını almağa çalışırlar.
Ümumdünya Səhiyyə Təşkilatı da bir bəyanatda bildirib: Yəmənin qərbində əl-Hüdəydə şəhərinin səhiyyə durumu acınacaqlıdır və bu şəhərin ehtiyaclı insanları, əsasən analar, uşaqlar və xəstələrin əsas xidmətlərlə təmin olunması haqda zəmanətlər yaradılmalıdır.
