Fələstinin Səhiyyə Nazirliyi generatorların işə salınması üçün lazım olan yanacağın bitməsi üzündən Qəzzədəki müalicə mərkəzlərinin və xəstəxanaların fəaliyyətlərinin dayanması barədə xəbərdarlıq edib.

Fələstin Səhiyyə Nazirliyinin Beynəlxalq Əməkdaşlıq İdarəsinin müdiri Əşrəf Əbu-Məhadi bu gün bir mətbuat konfransında deyib: BƏƏ və Qətər ölkələrinin, həmçinin İslam Bankının ötən fevral ayında Qəzzəyə göndərdikləri yanacaq avqust ayının birinci və ya ikinci həftəsinədək yetər və bu, bəzi səhiyyə xidmətləri mərkəzlərinin bağlanması və böhranın artması deməkdir.