Əfqanıstanın paytaxtı Kabil şəhərinin qərbində baş vermiş terror hücumu zamanı təhlükəsizlik qüvvələrinin 5 əməkdaşı həlak olub.

İRNA-nın verdiyi məlumata görə, Kabil şəhəri polis idarəsinin sözçüsü deyib: Bu gün cümə axşamı səhər saatlarında bir terrorçu bomba quraşdırılmış avtomobil ilə Kabil şəhərinin beşinci məntəqəsində yerləşən Davud Bağı məhəlləsində təhlükəsizlik qüvvələrinə hücum edib. Bu hadisədə 5 təhlükəsizlik qüvvəsi həlak olub.

Bu hücumun məsuliyyətini üzərinə götürən Taliblər hücum nəticəsində çoxlu sayda təhlükəsizlik əməkdaşının öldüyü və yaralandığını bildirib.

Bazar günü də Əfqanıstan prezidentinin birinci müavini general Dostumun kortecinin keçdiyi yolda bir bomba partladılmışdı. Bu hadisədə 20 nəfər həlak olmuş, onlarla nəfər də yaralanmışdı.

Bu hadisənin məsuliyyətini İŞİD terror qruplaşması öz üzərinə götürmüşdü.