Suriyanın Qüneytərə vilayətində yerləşən Həzər şəhərinin sakinləri ordu qüvvələrinin terrorçular üzərindəki qələbəsini bayram ediblər.

Əl-Məyadin informasiya kanalının verdiyi məlumata görə, Cəbəlül-Şeyx (Şıx dağı) dağının ətəyində yerləşən Həzər şəhərinin sakinləri və terrorçular ilə savaşda şəhid olanların ailələrinin iştirakıilə qələbə şənliyi təşkil edilib.

Ərəb Birliyi partiyasının sədri Viyam Vəhab bu mərasimdə terrorçulara qarşı savaşda xalqın ordu qüvvələri ilə əməkdaşlıq etməsini alqışlayıb və deyib: Qüneytərə əhalisi Suriya ordusunu himayə etməklə öz həqiqi mahiyyətini müdafiə edib.