Əfqanıstan Seçki Komissiyası on minlərlə saxta şəxsiyyət vəsiqəsinin batil edilməsindən xəbər verib.

Təsnim xəbər agentliyinin verdiyi məlumata görə, Əfqanıstan Seçki Komissiyasının sözçüsü Seyid Həfizullah Haşimi dünən Kabildə müxbirlərə deyib: Komissiyanın mərkəzi informasiya bankından 90 mindən çox saxta şəxsiyyət vəsiqəsi çıxarılıb. 

Seçki Komissiyası səs verənlərin qeydiyyatı prossesindəki şəxslərin 9 milyon nəfər olduğunu bildirib amma siyasi partiyalara görə, bu prossesdə sadəcə 4 milyon əhali qeydiyyatdan keçib. 

Son günlər Əfqanıstanda siyasi partiyalar on minlərlə saxta şəxsiyyət vəsiqəsini ifşa edərək hökuməti və seçki komissiyasını bu ölkədəki parlament seçkilərini istədikləri nəticəyə yönəltməkdə ittiham ediblər.