Təcavüzkar Səudiyyə koalisiyası dünən gecə Yəmənin qərbində Əl-Hüdeydə şəhərini işğal etmək üçün yeni əməliyyata başlayıb.

İRİB-in verdiyi məlumata görə, Səudiyyə koalissiyasının Yəmənin qərbindəki komandanı Əli Əttənici bildirib ki, koalisiya qüvvələri Əl-Hüdeydə şəhər və limanını ələ keçirmək üçün yeni əməliyyatlara başlayıblar. 

Əttənici bildirib ki, bu əməliyyat bir neçə istiqamətdən başlanıb. 

Eyni zamanda təcavüzkar Səudiyyə təyyarələri dünən gecə Əl-Hüdeydəni dəfələrlə bombalayıblar. 

Səudiyyə Ərəbistanı və Birləşmiş Ərəb Əmirlikləri 13 iyunda Əl-Hüdeydəni işğal etmək üçün geniş hücumlara başladılar amma indiyədək buna nail ola bilməyiblər. 

Əl-Hüdeydə limanı Yəmənə humanitar yardımların çatdırılmasının ən əsas yoludur.