Şənbə günü Dəməşqdə Suriyanın bərpası üzrə dördüncü sərginin kənarında İran və Suriyanın iqtisadi fəalları arasında görüş keçirilib.

İran İslam Respublikasının Suriyadakı səfiri Cavad Torkabadi bu yığıncaqda Tehran-Dəməşq əlaqə və həmkarlıqlarının gücləndirilməsi vacibliyini vurğulayıb.

Dəməşq sənaye otağının sədri Samir Əldəbs də bu yığıncaqda bildirib ki, Suriya və İranın iş adamları iqtisadi sahələrdə səy göstərməlidirlər. O, deyib: İki ölkənin iş adamları arasında koordinasiya və bütün sektorlarda istehsal və ticarət şirkətlərinin yaradılması zəruri bir məsələdir.

Suriyanın bərpası üzrə dördüncü sərgi oktyabrın 2-də bir qrup suriyalı rəsmi və 29 ölkədən 270 şirkətin iştirakı ilə Dəməşq sərgi şəhərciyində açılıb.

İran İslam Respublikası 14 şirkətlə Suriyanın bərpası üzrə dördüncü sərgidə iştirak edir.