Yəmən ordusu və xalq komitələrinin pilotsuz uçan aparat bölməsi dünən gecə təcavüzkar səud koalisiyası komandanlarının Marəb əyalətində keçirilən iclas məkanını yerli "Qasif-1" pilotsuzu ilə hədəfə alıb.

Yəməndəki bir hərbi mənbə deyib ki, bu əməliyyat səud komandanlarının yerləşdikləri məkan dəqiq şəkildə müəyyən edildikdən sonra həyata keçirilibdir.

Yəmənin pilotsuz uçan aparat bölməsi noyabrın 16-da da "Qasif-1" pilotsuzu ilə səud hərbçilərin Marəb əyalətində yerləşən təlim qarnizonunu hədəfə almışdı. 

Yəmən ordusu və xalq komitələrinin müdafiə qüdrəti bu ölkənin səud rejimi tərəfindən hərtərəfli mühasirəsinə rəğmən, günbəgün artmaqdadır.

Səud rejimi və müttəfiqləri indiyədək Yəmən xalqının müqavimətinə görə, bu ölkədəki hədəflərinə çata bilməyiblər.