ABŞ-ın başçılıq etdiyi anti-İŞİD koalisiyasının qırıcıları çərşənbə günü Suriyanın Deyrəzzur vilayətində yerləşən Həcin kəndini bombalayıblar.

Əl-Aləm kanalının verdiyi məlumata görə, bu hücumda 6 nəfər həlak olub. 

ABŞ-ın başçılıq etdiyi koalisiya qırıcıları ötən həftələr ərzində Deyrəzzurun müxtəlif məntəqələrini o cümlədən Həcin kəndini intensiv şəkildə hücuma məruz qoyublar. Bu hücumlarda qadağan edilmiş fosfor bombalarından da istifadə edilib. 

Suriya hökuməti dəfələrlə BMT-nin baş katibi və Təhlükəsizlik Şurasının sədrinə məktub göndərərək, ABŞ-ın başçılıq etdiyi beynəlxalq koalisiyanın cinayətlərinə son qoyulmasını istəyib.