Yəmənin mərkəzində yerləşən Məarib vilayətində 5 səudiyyə muzdlusunun öldüyü bildirilir.

Əl-Aləm kanalının bildirdiyinə görə, Yəmənin səhiyyə və təhlükəsizlik mənbələri bazar ertəsi günü verdikləri açıqlamada bildiriblər ki, Məarib vilayətində Səudiyyə muzdlularına məxsus mina anbarında baş vermiş partlayış nəticəsində ölənlərin sayının artacağı ehtimal olunur. 

Deyilənlərə görə, ölənlər arasında bir neçə ABŞ vətəndaşı da var. 

Ərəbistanın 2015-ci ilin martından Yəmənə qarşı başlatdığı savaşda indiyə kimi 14 min yəmənli ölüb, on minlərlə insan yaralanıb, milyonlarla nəfər evsiz-eşiksiz qalıb. BMT Yəmənin üzləşdiyi aclıq və qıtlıq böhranını dünyanın ən böyük humanist böhranı adlandırıb. 

Yəmən müharibəsinin ən böyük qurbanları isə qadınlar və uşaqlardır.