ABŞ prezidentinin bu ölkə hərbçilərinin Suriyadan çıxarılacağını elan etməsinə baxmayaraq, bu ölkə ordusu Suriyada yeni hərbi baza yaradır.

İRNA-nın məlumatına görə, Suriya mənbələri cümə axşamı bildiriblər ki, bu hərbi baza Suriyanın şərqində, Deyrəzzur vilayətinin cənubunda, Əl-Bəsirə şəhərinin yaxınlığında yaradılır. 

Bu hərbi bazanın təsis edilməsi ilə Fərat çayının digər sahilində Suriya ordusunun Əl-Bulil şəhərindəki bazası birbaşa olaraq ABŞ hərbçilərinin hədəf mənzilinə girmiş olacaq. 

ABŞ hazırda Suriyanın şərqində və şimal-şərqində 21 hərbi bazaya malikdir. 

ABŞ hərbçiləri 27 noyabrda da Təl-Əbyəz və Səluk şəhərlərinin orta məsafəsində, Suriyanın Türkiyə ilə sərhədlərinə yaxın ərazidə bir hərbi baza yaratmışdı. 

ABŞ prezidenti Donald Tramp 19 dekabr 2018-ci ildə amerikalı hərbçilərin 30 gün ərzində Suriyadan çıxarılacaqlarını dediyi bir şəraitdə, bu ölkə ordusu Suriyada yeni bazalar yaradır.