SAHAR

Yəmənin Ali İnqilab Komitəsinin sədri bir bəyanat yayaraq, ABŞ rəsmilərinin bu ölkə silahlarının Yəməndə üçüncü tərəf üçün göndərilməsinə dair açıqlamalarını informasiya rüsvayçılığı adlandırıb.

İSNA-nın məlumatına görə, Yəmənin Ali İnqilab Komitəsinin sədri Məhəmməd Əli Əl-Husi ABŞ-ın hərbi komandanlarının Yəməndə üçüncü tərəfə silahın göndərilməsinə dair açıqlamasını bu ölkənin Yəmən müharibəsindəki birbaşa iştirakının nişanəsi adlandırıb və deyib: Amerikalıların bu açıqlaması onların Yəmən xalqının qırğın edilməsindəki məsuliyyətini azaltmır.

Məhəmməd Əli Əl-Husi dünya ictimaiyyətinin ABŞ-ın Yəməndə müharibənin başa çatması və sülhün bərqrərar edilməsi ilə müxalif olduğundan xəbərdar olduğunu deyərək, əlavə edib: ABŞ-ın hərbi komandanlarının Yəməndəki silahların hamısının üçüncü tərəfin əlinə keçdiyinə dair dedikləri ABŞ-ın rüsvayçılığını azaltmır.

ABŞ-ın mərkəzi qərargahının komandanlarından olan general Cozef Votel bundan öncə Amerikan istehsalı olan silahların Yəməndə Əl-Qaidə terrorçularına və Ənsarullah qüvvələrinə gndərilməsinə dair xəbərlərə reaksiya olaraq, ABŞ-ın Ərəbistan və ya Birləşmiş Ərəb Əmirliklərinə Amerikadan aldıqları silahları Yəməndə üçüncü bir tərəfə vermək icazəsi verməyib.

Beynəlxalq Amnistiya Təşkilatı da bu gün çərşənbə bir bəyanat yayaraq bildirib: Birləşmiş Ərəb Əmirlikləri Amerika və Avropadan aldığı silahları Yəməndə müharibə cinayəti törətməklə məşğul olan yarım-hərbçilərə göndəriblər.