Yəməndə əsirlərin işləri komitəsinin sədri bildirib ki, səud koalisiyası son zamanlar Nəcran istiqamətində öldürülmüş qüvvələrinin cəsədlərini yığışdırmağı əngəlləyir.

Yəməndə əsirlərin işləri komitəsinin sədri Əbdulqadir əl-Murtəza deyib: “Nəsr Min Əllah” əməliyyatında öldürülmüş səud koalisiyasının tabeliyində olan ünsürlərdən yüzlərlə nəfərin cəsədi Nəcran istiqamətindəki qayalar və dərələrdə tökülüb qalıb və təcavüzkarlar Beynəlxalq Qızıl Xaç Komitəsinə bu cəsədləri yığışdırmaq icazəsi vermirlər.

Yəmən dünən səud koalisiyası qüvvələrinə qarşı “Nəsr Min Əllah” adlı böyük əməliyyatın keçirilməsindən və onlardan minlərlə nəfərin ölməsi və yaralanmasından xəbər verdi.

Yəmən silahlı qüvvələrinin sözçüsü Yəhya Səri dünən yəmənli qüvvələrin cənub-qərb bölgəsindəki böyük hərbi əməliyyatından xəbər verərək, təcavüzkar səud koalisiyasının üç hərbi diviziyasının tam şəkildə məhv edilidiyini bildirib.

Səri əlavə edib: Yəmənli qüvvələrin Nəcrandakı əməliyyatı davam edir və yaxın gələcəkdə onun barəsində daha artıq detallar təqdim olunacaqdır.