Dünən “Qayıdış haqqı” yürüşünün 82-ci cüməsində sionist rejim hərbçiləri Fələstin xalqının dinc aksiyasına qarşı gözyaşardıcı qaz və güllə işlədərək, azı 69 nəfəri yaralayıblar.

“Qayıdış haqqı” yürüşünün 82-ci cüməsi Qəzzə zolağında keçirilib.

Fələstin səhiyyə nazirliyinin bildirdiyinə görə, sionist rejim hərbçiləri fələstinli aksiyaçılara divan tutarkən hərbi güllələrdən əlavə, zəhərli gözyaşardıcı qazdan istifadə ediblər.

“Qayıdış haqqı” yürüşü 2018-ci ilin martından başlanıb. Yürüş fələstinli didərginlərin öz ölkələrinə qayıdış haqlarının əllərindən alınması daxil olmaqla “əsrin sövdələşməsi” layihəsinin maddələrinə etiraz olaraq keçirilir.

Bu aksiyanın başlanmasından bəri 328 fələstinli sionist rejim hərbçilərinin atəşləri ilə şəhid olub, 18 min 460 fələstinli də yaralanıbdır.

Sionist rejim fələstinlilərin ərazilərini müsadirə edib, qəsb etdiyi ərazilərdə sionist qəsəbələr salmaqla fələstinli bölgələrin coğrafi strukturunu dəyişdirmək niyyətindədir.