Liviya Milli Ordusu Tripoliyə hücumlarını davam etdirir
-
Liviya Milli Ordusu Tripoliyə hücumlarını davam etdirir
Liviya Milli Birlik Hökuməti Xəlifə Həftərin başçılıq etdiyi qüvvələrin paytaxta yeni hücumları nəticəsində bir neçə nəfərin öldüyünü və yaralandığını bildirib.
Əl-Cəzirə telekanalının məlumatına görə, Liviyanın Milli Birlik Hökumətinin səhiyyə naziri yanvarın 25-də Liviya Milli Ordusu qüvvələrinin paytaxt Tripoliyə hücumları nəticəsində azı bir nəfər həlak olub, 2-i uşaq olmaqla 4 nəfər də yaralanıb.
Məlumata əsasən, "Seyidi Bu Müslim" bölgəsi və Tripolinin cənubunda hava limanına gedən yolda şiddətli toqquşmalar gedir.
Bu elə halda baş verir ki, BMT-nin Liviyadakı Missiyası yanvarın 25-də bir bəyanat yayaraq, Liviyaya silah embarqosunun hətta Liviya mözusu ilə Berlində keçirilən konfransın iştirakçısı olmuş ölkələr tərəfindən belə açıq şəkildə pozulmasından təəssüfləndiyini bildirib.
BMT-nin nümayəndə heyəti son günlərdə Liviya hava limanında bir neçə yük təyyarəsinin bu ölkədə müharibə üçün qabaqcıl silahlar, zirehli texnika, xarici məsləhətçi və ünsürləri daşıyarkən göründüyünü açıqlayıb..
