ABŞ məzhəb ayrıseçkiliyi ilə İraqı bölməyə çalışır
İraq mənbələri ABŞ-ın İraqın regional bölgüsü planını həyata keçirmək üçün, məzhəb ayrıseçkiliyi yaratmağa çalışdığını söyləyir.
SəhərAzəri xəbər verir, İraq mənbələri ABŞ-ın İraqın regional bölgüsü planını həyata keçirmək üçün, məzhəb ayrıseçkiliyi yaratmağa çalışdığını söyləyir. Əl-Malum agentliyi İraq mənbələrinə istinadən bildirir ki, İraqın şimalındakı Ərbil əyalətində "sünni bölgəsi" yaratmaq üçün Ənbar şeyxlərinin iştirakı ilə ABŞ tərəfindən idarə olunan yığıncaqlar keçirilib.
Bəzi şeyxlər İraqın bölünməsini pisləyərək, bunu İraq xalqının yaxşı bildiyi, məqsədlərə çatmaq üçün ABŞ-ın amansız sui-qəsdi adlandırıb və hər hansı bir başlıq altında ölkələrinin bölünməsinə qarşı çıxıb. İraq mənbəyinə görə, ABŞ-ın İraqdakı görüşləri "Millətin Birliyi" adlı humanitar təşkilatlar şəklində olur, lakin daxili məqsəd İraqı bölməkdir.
