Yəməndə tüğyan edən Əl-Qaidə və İŞİD terror təşkilatları
Yəmən Parlament Assambleyasının Təhlükəsizlik və Müdafiə Komitəsi ətraflı hesabatında Yəməndə İŞİD və Əl-Qaidə terror qruplaşmalarının meydana gəlməsini və Səudiyyə-ABŞ koalisiyasının işğalında iştiraklarını araşdırıb.
SəhərAzəri- Deyerler.org xəbər verir ki, Yəmənin “26 sentyabr” saytının verdiyi məlumata görə, ətraflı hesabatda deyilir: “Əbdül Məcid Əl-Zəndaninin rəhbərlik etdiyi Əl-İslah Partiyasını başqaları ilə birlikdə Usama bin Ladenin şərikliyi və Səudiyyə rejiminin dəstəyi ilə quran fiqurlar praktiki olaraq 1980-ci illərdə Yəməndə Əl-Qaidəni yaratdılar.
Hesabatda Əl-İslah Partiyası məktəbləri və elmi mərkəzləri vasitəsilə üzvlərinin hamısı təkfirçi ideologiyalara sahib olan paralel ordu yaratmağı bacardığı və bunun 1994-cü il müharibəsində yaxşı şəkildə göstərildiyi bildirilir. Əl-İslah məktəbləri nəticədə 21 sentyabr inqilabından sonra, Əl-Qaidə liderlərini dəstəkləmə və üzvlərinə təlim keçmə və paytaxtda onlar üçün liderlik bazasının yaradılmasında rolu aydınlaşan Əl-İman Universiteti oldu.
Məlumata görə, Yəməndəki Əl-Qaidə ünsürləri, Saadaya qarşı altı müharibədə fəal iştirak edən Əl-İman Universitetinin məzunlarıdır. 2011-2014-cü illər arasında Əl-Qaidə Yəməndə 1000-dən çox cinayət əməliyyatı keçirmiş və 264 siyasi, hərbi, akademik və media xadiminə sui-qəsd törətmişdir.
Hesabatda deyilir: “Əli Möhsün xain, təkfirçi təşkilatlara dəstək verən ilk məmur idi. Əbdül Məcid Əl-Zəndani ilə qaçması bu təşkilatların Əl-Bəyda vilayətindəki əsas yuvalarının süqutuna qədər keçmişini ortaya qoydu”.
Əl-Qaidə və İŞİD, Səudiyyə rejiminin koalisiyasının Yəmənə hücumunun ilk günündən Yəmənə qarşı hazırkı müharibədə təcavüzkarların yanında olublar. Əl-Qaidə döyüşçüləri müxtəlif vilayətlərdə orduya və xalq komitələrinə qarşı mübarizə aparıblar və açıq şəkildə Qərb silahları ilə təmin ediliblər.
Səudiyyə-ABŞ koalisiyası ilə Əl-Qaidə və İŞİD arasında 2015-ci ildə Hadramaut, 2016-cı ildə Abyən və 2018-ci ildə Şəbvada müqavilə bağlandı. Bu vilayətlər koalisiyaya təslim oldu və iki terror qruplaşmasının ünsürləri Əl-Ceyşul Vatani və Əl-Hizam Əl-Əmni tərəfindən çağırılmışdı.
Yəmən ordusu və xalq komitələrin Əl-Beyda vilayətindəki Əl-Qaidə və İŞİD sığınacaqlarına qarşı 2020-ci il əməliyyatı əsnasında ABŞ-ın döyüş təyyarələri iki terror qruplaşmasının qüvvələrinə güclü dəstək verdi.
Əl-İslah Partiyası Əl-Qaidə və İŞİD təkfirçi ideologiyanı müdafiə etmək üçün Məaribə toplanmışdır və bu vilayət onların sonuncu qalasıdır. ABŞ-ın və müttəfiqlərinin Məaribin azad edilməsindən narazılığı, təkfirçi təşkilatlara dəstək və nəzarət etdiyini göstərir və bu qrupların mahiyyət etibarilə ABŞ tərəfindən hazırlandığı və maliyyələşdirildiyi və məqsədlərinə xidmət etdiyinin açıq dəlilləri var.
Məlumata görə, 2015-ci ilin yanvarından 2020-ci ilin mayına qədər Əl-Qaidə və İŞİD Yəmən ordusu, xalq komitələri və milli partiyalara qarşı 327 cinayət törədib.
Hesabatda Yəmənin təhlükəsizlik və kəşfiyyat xidmətlərinə koordinasiya artdıqca təkfirçi qrupların fəaliyyətini izləmələri tövsiyə edildi. Təhsil və Ali Təhsil Nazirliklərinə də Yəmənin İslami şəxsiyyətinin möhkəmləndirilməsi üsullarını nəzərdən keçirmələri və Əl-İslah Partiyasının muzdluları və hökmranlığına görə, on illərdir ölkədə kök salmış təkfirçi fikirləri ortadan qaldırılması tapşırılıb.
Yəmən Parlamentinin sədri Məhəmməd Əl-Əydrus da təhlükəsizlik və kəşfiyyat xidmətlərinin Əl-Qaidə və İŞİD-in Səudiyyə rejiminin təcavüzkar koalisiyasının rolunu ifşa etməsindəki rolunu yüksək qiymətləndirib.
Yəmən Təhlükəsizlik və Kəşfiyyat Xidmətinin rəhbər müavini general Əbdülqadir Əl-Şami də təkfirçi qrupların ABŞ tərəfindən yaradıldığını və onlara qarşı mübarizə üçün böyük təhlükəsizlik tədbirlərinin görüldüyünü və bu qruplara qarşı mübarizənin onların məhv edilməsinə və Yəməndən təmizlənənə qədər davam edəcəyini söyləyib.
Yəmən Silahlı Qüvvələrinin ideoloji bürosunun martın sonunda ABŞ-ın Yəməndəki hərbi mövcudluğu və bazaları və Əli Abdullah Saleh (keçmiş Yəmən prezidenti) hökuməti ilə ABŞ kəşfiyyat xidmətləri arasındakı münasibətlərə dair yeni sənədlər yayımlamışdı.
Əli Abdullah Salehlə MKİ-nin o zamankı rəhbəri Corc Tenet arasındakı telefon danışığı bu mövzuda yayımlanan sənədlərdən biri idi. Söhbətlərdən birində MKİ ilə Əl-Qaidə terrorçuları arasındakı birbaşa əlaqədən və bu əlaqəni formalaşdırmaq üçün Abdullah Saleh hökumət rəsmilərinin əməkdaşlığından bəhs edilib. Bu danışıqda MKİ direktoru Yəmən hökumətinin “USS Cole” qırıcısının partlaması nəticəsində həbs olunan Əl-Qaidə (ABŞ-a bağlı) üzvünü azadlığa buraxmasına israr edir.
