İraq mediası ABŞ mənbələrinə istinadən, İraqın Əl-Ənbar vilayətində ABŞ hərbçilərinin yerləşdiyi Eynül-Əsəd bazasının raket hücumuna məruz qaldığını bildiriblər.

SəhərAzəri-nin məlumatına əsasən, beynəlxalq koalisiyanın sözçüsü, İraqın qərbindəki Eynül-Əsəd bazasının 14 raketlə hədəfə alındığını bildirib.

O, deyib: "Atılan raketlər Eynül-Əsəd bazasına və ətraf bölgələrə düşüb və müdafiə tədbirləri gücləndirilib. 

İlkin məlumatlar hücum nəticəsində üç nəfərin yaralandığını göstərir.

Məlumata görə, Eynül-Əsəd bazasının hava hücumundan müdafiə sistemi bu hücumlar qarşısında uğursuz olub və bazada alovlar və tüstü müşahidə olunur.