SAHAR

Xəbər mənbələri bu səhər (Çərşənbə) Livandan işğal olunmuş ərazilərin şimalına bir neçə raketin atıldığını bildiriblər.

"Əl-Cəzirə" kanalının verdiyi məlumata görə, "Zəriit", "Nətou", "Fəsutə", "Şumira", və "Ştula" ərazilərində təhlükə sirenləri səsləndirilib. Bu hücumda, İsrail rejimi ordusunun Yuxarı Əl-Cəlildə və "Əyta Əş-Şəəb" qəsəbəsinin yaxınlığındakı bazalarına 6 raket atılıb. 

Bununla əlaqədar, Əl-Ərəbi Əl-Cədid qəzeti də Livanın Əyta Əş-Şəəb şəhərinin tərkibində fosfor olan mərmilərlə hədəf aldığını bildirib.

Livan və işğal altındakı Fələstin ərazilərinin şimalı arasındakı sərhəd zolağı son günlərdə gərginliyin artmasının şahidi olub və eyni zamanda sionist rejimin səlahiyyətləri Livana qarşı genişmiqyaslı hücumlar aparmaqla hədələyiblər.

Bu qarşıdurmalar sionist rejimin Livan ərazilərindəki mülki şəxslərə qarşı hücumları fonunda sionist rejimin mövqeləri və bazalarına Hizbullahın ağır raket hücumlarından sonra güclənib.  

Oktyabrın 7-də işğalçı rejim tərəfindən Qəzzə zolağının işğalından bir gün sonra, Livan Hizbullah, işğal olunmuş Fələstinin şimalına hücumlar həyata keçirərək, rəsmən Əl-Əqsa Tufanı əməliyyatına qoşuldu və bundan sonra Livan ilə Fələstinin işğal olunmuş əraziləri arasındakı sərhəd Livan Hizbullah və sionist ordusu arasında gündəlik və demək olar ki, 24 saatlıq atəş mübadiləsinin səhnəsinə çevrildi.

İbrani mediası, Əl-Əqsa Tufanı Döyüşünün başlamasından bəri, Livanın cənubundan atılan raketlər nəticəsində bir neçə sionist zabit və hərbçinin   öldüyünü və sionistlərin onlarla bazasının Hizbullah tərəfindən hədəfə alındığını bildiriblər. Və bu səbəbdən Benyamin Netanyahunun ifratçı kabineti Fələstinin şimalında məskunlaşan minlərlə yəhudi mühaciri evakuasiya etmək məcburiyyətində qaldı və bəzi sionist qəsəbə sakinləri də özləri bölgədən qaçdılar.

Bu yaxınlarda, İbrani mediası bu sionist qəsəbə sakinlərinin evlərinə qayıtmaq istəmədiklərini və Netanyahunun kabinetinin onların taleyinə əhəmiyyət vermədiyini və onları özbaşlarına buraxdığını bildiriblər.