Ərəb Liqası:
İsrailin Suriyaya hücumu beynəlxalq hüququn açıq şəkildə pozulmasıdır
Ərəb Liqası bir bəyanatda, sionist rejimin Dəməşqin ətrafındakı Beyt Cin qəsəbəsinə 13 mülki şəxsin həlak olması və 25 nəfərin yaralanması ilə nəticələnən açıq hücumunu kəskin şəkildə pisləyib və bu hücumu beynəlxalq hüququn açıq şəkildə pozulması kimi qiymətləndirib.
"Okaz" qəzetinin verdiyi məlumata görə, Ərəb Liqasının Katibliyi bu bəyanatda sionist rejimin Suriyaya qarşı davamlı hücumlarını və bu rejimin bufer zonaya və qonşu ərazilərə müdaxilələrini pisləyib və bu hərəkətlərin beynəlxalq hüququn və atəşkəs və düşmənçiliyin dayandırılmasına dair 1974-cü ildə əldə edilmiş sazişin açıq şəkildə pozulması olduğu bildirilib.
Ərəb Liqası həmçinin beynəlxalq ictimaiyyəti, xüsusilə BMT Təhlükəsizlik Şurasını və Yaxın Şərqdə sülh prosesində fəal rol oynayan qüvvələri öz məsuliyyətlərini yerinə yetirməyə və Suriyaya, eləcə də bütün bölgəyə qarşı bu təcavüzün, üsyanın və həyasızlığın qarşısını almağa çağırıb.
