Türkiyənin Qaziantep vilayətində koronavirus infeksiyasına yoluxmada müşahidə olunan artım sərt karantin tədbirlərinin tətbiqinə səbəb olub.

SəhərAzəri Azərtac-a istinadla xəbər verir ki, vilayətin İslahiyə rayonunda son üç gündə 800 yoluxma halının qeydə alınması ciddi narahatlıq yaradıb. Bildirilir ki, hazırda 490 nəfər müxtəlif formada karantinə alınıb.

Qaziantep vilayətində ilk yoluxma aprelin 8-də qeydə alınmışdı. Görülən tədbirlər nəticəsində iyunun 15-dən bəri yoluxma baş vermirdi. Son günlər artan yoluxmaya görə isə bu vilayət ölkənin riskli bölgələri sırasına daxil edilib.