İstanbulda partlayış törətməkdə şübhəli bilinən şəxs həbs olunub
Türkiyə polisi İstanbulun İstiqlal küçəsində partlayışa səbəb olan bombanı qoyan şəxsin həbs edildiyini bildirib.
SəhərAzəri-nin məlumatına əsasən, Dünən İstanbulun məşhur piyadalar prospekti İstiqlal prospektində bombalı hücum nəticəsində 6 nəfər ölüb, 81 nəfər yaralanıb.
"İRNA"nın məlumatına görə, Türkiyənin daxili işlər naziri Süleyman Soylu İstanbulun Bəyoğlu məhəlləsində bombanı qoyan şəxsin həbs edildiyini bildirib və əlavə edib: "Hazırda bu şəxs dindirilir".
Türkiyənin səhiyyə naziri də İstanbuldakı partlayışda xəsarət alan 5 nəfərin vəziyyətinin ağır olduğunu bildirib.
Fəxrəddin Koca deyib: "Hadisədə yaralananlardan 42 nəfəri hazırda xəstəxanalarda müalicə olunur".
Səhiyyə nazirinin sözlərinə görə, Taksim meydanında baş verən partlayışda yaralanan 81 nəfərdən 39-u xəstəxanadan evə buraxılıb.
Türkiyə rəsmiləri İstanbulun Taksim meydanında baş verən partlayışın terror aktı olduğunu vurğulayaraq, kamikadzenin isə qadın olduğunu bildirirlər.
