Azərbaycan Respublikasında iqtisadi ekspert Vüqar Bayramlı deyib: Neftin beynəlxalq bazarda qiymtinin ucuzlaşması, ardınca isə Azərbaycanın milli pul vahidi manatın devalvasiyası ilə ölkənin gəlirləri üç dəfə azalıb. Bu da məhsul idxalının azalmasına və ölkə daxilində qiymətlərin bahalaşmasına səbəb olub.

Səhər Beynəlxalq Televiziyasının məlumatına görə, Səhər-ə müsahibə verən Vüqar Bayramlı ölkə ixracatının 95%-dən çoxunun neft gəlirlərinə asılılığı və bundan yaranan iqtisadi problemlərə toxunub və deyib: Hazırkı şəraitdə qeyri-neft sektoruna diqqət yetirmək, daxili istehsalı gücləndirmək, bazara nəzarət, azad iqtisadiyyatı möhkəmləndirmək, iş adamları və iqtisadi fəalların fəaliyyəti qarşısındakı maneələri aradan qaldırmaq zəruridir.