SAHAR

Həzrət Ayətullah Sübhani Beynəlxalq Səhər Azəri Televiziyasının 24 saatlıq yayıma başlaması münasibətilə, xüsusi müraciət ünvanlayıblar.

Böyük təqlid mərcələrindən olan Həzrət Ayətullah Sübhani Beynəlxalq Səhər Azəri Televiziyasının 24 saatlıq yayıma başlaması münasibətilə buyurublar: "Mən İran İslam Respublikasının Radio və Televiziya Təşkilatının rəhbərliyinə Beynəlxalq Səhər Azəri Televiziyasının təsis edilməsi və genişləndirilməsi üzrə səylərinə görə səmimi qəlbdən təşəkkür edirəm. Elə bir televiziya ki, müxatiblərinin böyük əksəriyyətini Qafqaz məntəqəsi xüsusilə də Azərbaycan Respublikasında Əhli Beyt(ə) məktəbinin davamçıları təşkil edirlər. Bu üzdən bu dəyərli televiziya kanalının kəmiyyət və keyfiyyət baxımından inkişaf etdirilməsini zəruri və lazımlı bir məsələ hesab edirəm.
Ayətullah Sübhani öz müraciətlərində həmçinin Beynəlxalq Səhər Kanalının rəhbərliyindən istəyiblər ki, sağlam atmosferin yaradılması və verilişlərin daha keyfiyyətli və ürəyə yatan formada təqdim edilməsinə daha artıq diqqət göstərilsin. Həmçinin, müvəqqəti və keçici xarakter daşıyan siyasi məsələlər və çəkişmələrin İslam maarifi, dini və əxlaqi dəyərlərin çatdırılması missiyasından daha qabarıq forma almasına icazə verilməsin.