SAHAR

İslam İnqilabının Böyük Rəhbəri tərəfindən bir nümyəndə heyəti Küveyt partlayışı şəhidlərinin anım mərasimində iştirak edib.

Səhər kanalının məlumatına görə, İslam İnqilabının Böyük Rəhbərinin dünya məsələləri üzrə müşaviri Ayətullah Məhəmməd Əli Təsxiri, Nigəhban Şurasının hüquqşünası və Rəhbərlik Xübreqanı Məclisinin üzvü Ayətullah Abbas Kəəbi ilə yanaşı bazar günü gecə Küveytin Əlkəbir məscidində olaraq, İmam Cəfər Sadiq(ə) məscidində törədilmiş terror faciəsi şəhidlərinin anım mərasimində iştirak edib. Onlar Küveytin nazirlər kabineti və parlamentinin bir qrup üzvü və məclis sədri Mərzuq Əlqanim ilə görüşərək, İslam İnqilabının Böyük Rəhbərinin, İran dövləti və xalqının bu kədərə şərik çıxdıqlarını bəyan ediblər.
İranın nümayəndə heyətinin üzvləri habelə bu mərasimin kənarında hadisə qurbanlarının ailələri, o sıradan bu hadisənin üç iranlı şəhidinin ailəsi ilə görüşərək, Küveytin bir qrup dövlət və parlament rəsmisi ilə görüşlər keçiriblər.
İslam İnqilabının Böyük Rəhbərinin dünya məsələləri üzrə müşaviri Küveytin mədəniyyət və informasiya naziri ilə görüşdə bu cinayət hərəkətini pisləyərək, islami birlik və həmrəyliyin qorunması vacibliyini vurğulayıb.
Cümə günü, cümə namazı qılınarkən bir yəmənli terrorçu İmam Cəfər Sadiq(ə) məscidində bomba partlatdı ki, nəticədə 27 şiə namazqılan, o cümlədən üç iranlı şəhid oldu. Bu terror hadisəsində 200-dən çox insan da yaralanıbdır.