SAHAR

İran qazının İraqın cənubuna nəqli boru kəmərinin çəkilməsi ilə əlaqədar araşdırmaların yekunlaşması ilə Bəsrəyə qaz ixracı müqaviləsi imzalanacaq.

Səhər Beynəlxalq Televiziyasının İRNA-ya istinadlı məlumatına görə, İranın Milli Qaz Şirkətinin beynəlxalq şöbəsinin direktoru Əzizullah Ramazani deyib: Hazırda İran qazının İraqın cənubuna nəqli üzrə boru kəmərinin çəkilməsi ilə əlaqədar iranlı və iraqlı tərəflərin araşdırmaları yekunlaşıb və bu ölkə ərazisində icra fəaliyyətlərinin bir hissəsinə başlanılıb.
Ramazani əlavə edib: İran Bəsrəyə qaz ixracına hazır olduğunu bildirib. İraqın təhlükəsizliyinə görə, bu barədə qərarın verilməsi ləngiyib.
İranın Milli Qaz Şirkətinin beynəlxalq şöbəsinin direktoru söyləyib: Gündəlik 25 milyon kubmetr qazın Bəsrəyə ixrac olunması üzrə müqavilə imzalanması üçün müzakirələr aparılmaqdadır və müqavilə imzalandıqdan sonra icra işləri başlanacaq.