Qum Dini Elmlər Mədrəsəsi Müəllimləri Birliyi İran xalqını 26 fevralda İslam Şurası və Rəhbərlik Xübrəqanı məclislərinə seçkilərdə iştiraka dəvət edib.

İRİB-nin verdiyi məlumata görə, Qum Dini Elmlər Hövzəsi Müəllimləri Birliyi çərşənbə günü bir bildiriş yarayaraq, 26 fevral seçkilərinin böyük əhəmiyyətə malik olduğuna təkid edərək, xalqın bu seçkilərdə keçmişdə olduğu kimi geniş formada iştirakına təkid edib.

İranın Dini Elmlər Mədrəsələrinin müdiri Ayətullah Hüseyni Buşehri də bir müraciətdə İran xalqını 26 fevral seçkilərində iştiraka dəvət edib və deyib: Seçkilərdə iştirak düşmənlərin ümidlərini məyusluğa çevirmiş olacaq.

İranda İslam Şurası Məclisinə 10-cu çağırış və Rəhbərlik Xübrəqanı Məclisinə 5-ci çağırış seçkiləri 26 fevralda keçiriləcək.

İslam Şurası Məclisinə seçkilərin namizədlərinin 18 fevral tarixindən başlanan təbliğat-təşviqat kampaniyası sabah 25 fevral, səhər saat 8-də başa çatacaq.