Livan Hizbullahının baş katibi Seyid Həsən Nəsrullah deyib: Biz İranın terrorizmlə mübarizə və region böhranları üçün siyasi həll yollarının yaradılmasına köməyini rəğbətlə qarşılayırıq.

Əlməyadin-in məlumatına görə, Nəsrullah bazar günü Beyrutda İranın xarici işlər nazirinin müavini Hüseyn Əmir Əbdollahiyan ilə görüşdə əlavə edib: Region böhranları üçün təhlükəsizlik və hərbi yollara təkid edən tərəflər terrorizmin şiddətlənməsinin əsas amilləridirlər.

Livan Hizbullahının baş katibi vurğulayıb: Əgər müqavimət şəhidlərinin fədakarlıq mədəniyyəti olmasaydı, burada heç bir təhlükəsizlik mövcud olmazdı.

Seyid Həsən Nəsrullah bildirib ki, sionist rejimin hərəkətləri qarşısında öz sayıqlığımızı qorumalıyıq.

O, deyib: Biz hər bir kəsin müsəlmanlar arasında təfriqə salmaq üzrə cəhdini pisləyirik.

Seyid Həsən Nəsrullah əlavə edib: Təkfirçilərin Suriya və İraqda islami ölkələrdə hərc-mərcliyin genişləndirilməsi üzrə səyləri sionist rejimin siyasətləri ilə əlaqəlidir.