SAHAR

İran universitetlərindən olan tələbə əzadarlıq heyətləri Tehran universitetinə gələrək, Həzrət Əba Əbdillah Əl-Hüseyn(ə)-ın və onun vəfalı köməkçilərinin şəhadətlərinin Ərəbini matəmində əzadarlıq ediblər.

IRIB-nin məlumatına görə, sayı təqribən üç min nəfər olan İran universitetlərinin tələbə əzadarlıq heyətləri sonra İmam Xomeyni(r.ə.) hüseyniyyəsinə doğru hərəkət ediblər.

İslam İnqilabının Böyük Rəhbəri- Həzrət Ayətullahuluzma Xameneinin hüzurunda əzadarlıq, tələbə əzadarlıq heyətlərinin proqramlarındandır.

Bu gün, bazar günü, 1438-ci hicri qəməri ili, səfər ayının 20-si və 2016-cı il noyabrın 20-si, şiələrin üçüncü imamı, şəhidlər ağası Həzrət İmam Hüseyn(ə)-ın və onun vəfalı köməkçilərinin şəhid olmasının qırxıncı günü, Ərbəin günüdür.

Son məlumatlara görə, iki milyondan çox iranlı zəvvar Hüseyn(ə) Ərbəini mərasimində iştirak etmək üçün özünü müqəddəs Kərbəla şəhərinə səfər edib.