SAHAR

İran və Sloveniya arasında siyasi və iqtisadi əlaqələrin genişləndirilməsi çərçivəsində Sloveniya səfirliyinin bu gün Tehranda açılış mərasimi olub.

İRNA-nın məlumatına görə, İranın xarici işlər naziri Məhəmməd Cavad Zərif və Sloveniya prezidenti Borut Pahor səfirliyin açılış mərasimində iştirak ediblər.

Sloveniya xarici işlər nazirinin müavini xanım Darya Badvaj Kurt noyabrın 2-də Tehranda İran xarici işlər naziri ilə görüşdə bu ölkə səfirliyinin Tehranda işə başlamasını Lubliyanın İran ilə əlaqələrin hərtərəfli şəkildə genişləndirilməsində maraqlı olmasının nişanəsi adlandırıb.

Sloveniya  2012-ci ildə iqtisadi böhran üzündən Tehrandakı səfirliyinin fəaliyyətini dayandırmağa məcbur olmuşdu.

Sloveniyanın müvəqqəti işlər vəkili artıq 2 aydır ki, Tehranda fəaliyyət göstərir.