İran İslam Şurası Məclisinin sədri deyib: Cümə günü 19 may 2017-ci il seçkilərində xalqın möhtəşəm iştirakı düşmən təhdidləri qarşısında möhkəm müdafiə sipəri olacaq.

İRİB-in məlumatına görə, İran parlamentinin sədri Əli Laricani bazar günü Qumda çıxış edib.

İran xalqının səsvermədə yüksək səviyyədə iştirakını qeyd edən parlament sədri deyib: Bu möhtəşəm iştirakı ərazi bütövlüyü, təhlükəsizlik və düşmən təhdidləri qarşısında müdafiə sipərində İranın qətiyyətli iradəsini əks etdirə bilər.

Laricani region və dünyanın hazırkı şəraitini həssas adlandırıb: İran xalqının seçkilərdə geniş iştirakı məşğulluğun yaradılması və milli istehsalın artırılmasına çoxlu təsir göstərəcəkdir.