SAHAR

İran İslam Şurası Məclisinin ictimai əlaqələr şöbəsi bu gün bir məlumatda bildiribdir ki, İranın 12-ci prezidentinin andiçmə mərasimi şənbə günü, avqustun beşində İran İslam Şurası Məclisində keçiriləcək.

2017-ci il mayın 19-da İranda və dünyanın 102 ölkəsində keçirilmiş 12-ci prezident seçkilərinin nəticələrinin elan olunmasına əsasən, bu seçkilərə namizəd Həsən Ruhani 23 milyondan çox səs toplayaraq, bir daha İran prezidenti oldu.

İran prezident seçkilərində, eləcə də şəhər və kənd islam şuraları seçkilərində 56 milyon 410 min 234 iranlı səsvermə şəraitinə malik idi.

Bu seçkilərdə 70 faizdən yuxarı, yəni 40 milyon nəfərdən çox iştirak elan edilibdir.