SAHAR

İran İslam Respublikası prezidenti deyib: ABŞ İran əleyhinə sanksiyalar tətbiq etməyi davam etdirərsə, Tehran qısa müddət ərzində Əhatəli Müştərək Təşəbbüs Proqramından çıxa bilər.

İran İslam Respublikası prezidenti Həsən Ruhani çərşənbə axşamı günü təklif olunan nazirlərin İslam Şurası Məclisində etimad səsinin araşdırılması iclasında deyib: ABŞ rəsmiləri bilməlidirlər ki, sanksiyaların məğlubiyyətə uğramış təcrübəsi onların ötən hökumətlərini müzakirə masasına gətirdi və o təcrübələrə qayıtmağa maraqlıdırlarsa, yəqin ki, İran qısa müddət ərzində müzakirələr başladığı zamandan daha inkişaf etmiş şəraitə qayıdacaq. 

Ruhani ABŞ hökumətinin bəhanələri və öhdəliklərə səbəb qalmamasının səbəbini İranın öz hüquqları və öhdəliklərinə sadiq qalması və ABŞ-ın avantüralarının məğlubiyyətə uğramasındakı uğuru adlandırıb və əlavə edib: Dünya son aylarda açıq-aydın şəkildə ABŞ-ın beynəlxalq anlaşmaları görməməzliyə vurduğunu gördü. Əhatəli Müştərək Təşəbbüs Proqramında davamlı öhdəliyinə sadiq qalmamaqdan əlavə, başqa anlaşmalar, o cümlədən Paris Sazişi, Kuba Sazişi, Şimali Amerika Sərbəst Ticarət anlaşmasını da ayaqları altına almışdır. 

İran İslam Respublikası prezidenti həmçinin Qərbi Asiya olaylarına da toxunub: Region problemlərinin yalnız regional həlli vardır və İran stabillik lövbəri olaraq öz əlini qonşu ölkələrə uzadır və sülh və stabilliyi yaradılmasını istəyir.