SAHAR

İran İslam Respublikası prezidenti şənbə günü Nazirlər Kabineti üzvlərinin İslam İnqilabının Böyük Rəhbəri ilə görüşündə yoxsulluqla mübarizə və ictimai ədalətin reallaşmasını 12-ci hökumətin məqsədlərindən adlandırıb.

İran İslam Respublikası prezidenti Həsən Ruhani bu görüşdə 11-ci hökumətin atdığı addımlar və 12-ci hökumətin proqram və məqsədləri haqqında məlumat verib və deyib: Hökumət İran xalqına vəd edib ki, gələn dörd il ərzində yoxsulluğun kökünü kəsəcək. 

Ruhani İran hökumətinin qarşısında duran əsas problemi işsizlik və iqtisadi problemlər adlandırıb və əlavə edib: İran hökuməti  ildə 900 mindən çox iş yeri açmaqla işsizlik problemini həll etməyə çalışır. 

İran İslam Respublikası prezidenti illik inflyasiyanı 8%-dən aşağı adlandırıb və deyib: Ötən il İran iqtisadiyyatı üçün istisnalı il idi. Çünki İran İslam Respublikasının iqtisadi inkişafı dünyada birinci oldu. 

İran İslam Respublikası prezidenti sənayenin yenilənməsi, elm təməlli iqtisadiyyatda dirçəliş və qeyri-neft gəlirlərinə arxalanmağı hökumətin digər proqramlarından adlandırıb və bildirib: 12-ci hökumət problemlərlə daha yaxından tanışdır və hamı İranın problemlərini həll etmək üçün hökumətə kömək etməlidir. 

Ruhani Nazirlər Kabineti üzvlərinin seçilməsi haqda da deyib: Nazirlər və prezident müavinlərinin seçilməsində bacarıqlı və layiqli şəxslərlə əməkdaşlığa üstünlük verildi.