Avropa Birliyi və Almaniya, Fransa və Britaniya Əhatəli Müştərək Təşəbbüs Proqramının(ƏMTP) tam icra edilməsini vurğulayıblar.

İRNA-nın verdiyi məlumata görə, ABŞ hökumətinin ƏMTP barədə qərar qəbul etməsi ərəfəsində AB və Almaniya, Britaniya və Fransa Brüsseldə İranın xarici işlər nazirinin müavini seyid Abbas İraqçinin də iştirak etdiyi nüvə sazişi barədə fikir mübadiləsi iclasında ƏMTP-nin tam icrasına dəstək verdiklərini bildiriblər. 

Bu məlumata görə, AB və üç Avropa ölkəsinin Helqa Şmitin sədrliyi ilə ƏMTP barədə fikir mübadiləsi iclasında siyasi müdirlər və İrandan XİN başçısının müavini iştirak edib.