İran İslam İnqilabı Keşikçiləri Korpusu Sepah-ın Həmzə Seyyidəşşühəda Qərargahının ictimai əlaqələr şöbəsinin yaydığı bildirişdə bir əks-inqilabçı terrorçu qruplaşmanın ölkənin şimal-qərbində həyata keçirdiyi zəncirvarı əməliyyatlarda Sepah-ın bir qrup üzvünü şəhid etməsinə dair iddiasını rədd edib.

Həmzə Seyyidəşşühəda Qərargahının mübariz döyüşçüləri İranın şimal-qərbində Sərvabad və Üşnəviyə məntəqələrində həyata keçirdiyi son əməliyyatlarda 3 terror qruplaşmasını məhv ediblər. Bu əməliyyatlar zamanı 13 terrorçu öldürülüb, bir neçəsi də yaralanıb.

İRNA-nın məlumatına görə, Sepah-ın quru qoşunlarının Həmzə Seyyidəşşühəda Qərargahının ictimai əlaqələr şöbəsinin yaydığı məlumatda deyilir: Əksinqilabçılar və beynəlxalq imperializmin əlaltıları son uğursuzluqlarının ardınca yaşadıqları şokun təsiri altına düşərək, bu kimi yalan və əsassız iddialar ilə öz ağalarının könlünü ələ almaq və cinayətkar üzvlərini ruhlandırmaq istəyirlər.