BMT Baş Assambleyasının 73-cü sessiyasında çıxış etmək məqsədilə Nyu-Yorka səfər etmiş İran İslam Respublikası prezidenti Tehrana geri dönüb.

İran İslam Respublikası prezidenti Həsən Ruhani beşgünlük Nyu-York səfərində bəzi ölkələrin başçıları ilə görüşlərdən əlavə, Amerikada müsəlman cəmiyyətlərinin rəhbərləri, şəxsiyyətlər, elita və amerikan mediaların məsul şəxslərindən bir qrupu ilə görüşüb.

İran İslam Respublikası prezidenti CNN telekanalının və ABŞ medialarının başçılarından bir qrupu ilə görüşdə İran İslam Respublikasının mövqeyini şərh edib və Nyu-York səfərinin sonunda müxbirlərin sualını cavablandırıbdır.

İran İslam Respublikası prezidenti BMT Baş Assambleyasındakı çıxışının bir hissəsində deyib: Dünya İrandan yaxşı bir dosta malik olmayacaq.