İran İslam Respublikası dövlətinin sözçüsü deyib: Avropa donanmasının Fars Körfəzinə göndərilməsi hazırkı şəraitdə təhrikedicidir; bu addım İran üçün düşmənçilik mesajına malikdir və gərginlikləri artıracaqdır.

Əli Rəbii bu gün öz həftəlik brifinqində əlavə edib: İran İslam Respublikası bütün ölkələri bu təhrikedici rəftarlardan çəkinməyə çağırır.

İran dövlətinin sözçüsü söyləyib: Bölgənin təhlükəsizliyi bölgə ölkələri tərəfindən təmin olunmalıdır və İran bölgədə gəmiçiliyin təhlükəsizliyinin ən böyük təminedicisidir.

Bir neçə Avropa ölkəsi, o cümlədən Fransa, İtaliya və Danimarka İngiltərə hökumətinin Fars Körfəzində Avropanın rəhbərliyi altında bir donanmanın təşkilinə dair planını himayə ediblər.