İran Xarici İşlər Nazirliyinin mətbuat katibi bu ölkənin xarici işlər nazirinin gələn həftə Rusiya və Azərbaycana səfər edəcəyini bildirib.

SəhərAzəri xəbər verir, İran Xarici İşlər Nazirliyinin mətbuat katibi Səid Xətibzadə öz şəxsi Tvitter səhifəsində  yazıb: "İran İslam Respublikasının xarici işlər naziri Məhəmməd Cavad Zərif noyabrın 23-24-də Rusiya və Azərbaycan Respublikasına səfər edəcək".

S.Xətibzadə iki günlük səfərin əssas məqsədinin regional danışıqlar, Dağlıq Qarabağ münaqişəsi, bölgədə baş verən son proseslər və ikitərəfli məsələlər barədə fikir mübadiləsi aparmaq olduğunu bildirib.