Rusiyanın Vyanada yerləşən beynəlxalq təşkilatlardakı daimi nümayəndəsi ABŞ konqresmenlərinin İranla nüvə anlaşmasından kənar bir razılaşmanın əldə edilməsi ilə bağlı məktubuna münasibət bildirib.

SəhərAzəri xəbər verir, Rusiyanın Vyanada yerləşən beynəlxalq təşkilatlardakı daimi nümayəndəsi Mixail Ulyanov Tvitter hesabında paylaşdığı mesajda ABŞ Konqresinin 140 nümayəndəsinin Co Bayden administrasiyasından İranla nüvə anlaşmasından daha üstün bir razılaşmanın əldə edilməsini tələb etmələrini həqiqətdən uzaq adlandırıb.

Məlumata əsasən, ABŞ Konqresmenləri bu məktubda İranla bağlı iki partiyalı bir konsensusa gəlməyi və nüvə məsələlərindən başqa Tehranla olan digər mübahisələri də əhatə edəcək hərtərəfli bir razılaşma əldə etməyi qarşıya məqsəd qoymağa çağırıblar.