Ordunun quru qoşunları ölkənin müdafiəsi üzrə mühüm sütunlardan biridir
İran İslam Respublikası Ordusunun Quru Qoşunlarının komandanı vurğulayıb ki, ordunun quru qoşunları ölkənin müdafiəsi üzrə mühüm sütunlardan biridir.
SəhərAzəri-nin məlumatına əsasən, briqada generalı Kiyumərs Heydəri bildirib ki, bu gün ordunun quru qoşunlarının zirehli və artilleriya bölmələri qənaətbəxş təchizat və imkanlara malikdirlər.
Ordunun quru qoşunlarının komandanı sonra deyib ki, insan qüvvəsi qüdrətin əvəzsiz komponentidir. Əgər bu komponent istedad ziynətilə birləşdirilərsə, onun təsir gücü artmış olacaq.
General Heydəri qeyd edib ki, İran İslam Respublikası Ordusu ölkə istedadlarına, həmçinin elm və bilik camiəsinə xüsusi hörmət edir və insan qüvvəsi hər bir cəmiyyətdə qüdrətin əvəzsiz komponentidir.
Ordunun quru qoşunlarının/ xüsusən region səviyyəsindəki vertolyot gücünə toxunan general Heydəri deyib ki, Qərbi Asiyanın ən özünəməxsus vertolyot donanması İran İslam Respublikası Ordusunun Quru Qoşunlarında yerləşir və bu gün ordunun vertolyot gücü hamıya sübut olubdur.
