SAHAR

Beynəlxalq Futbol Federasiyası- FİFA-nın saytı bir reportajda yazıb: İran 2022-ci il Qətər dünya çempionatının səkkizdə bir final mərhələsinə çıxmağı qarşısına məqsəd qoyub.

SəhərAzəri-nin məlumatına əsasən, İranın milli futbol komandası ABŞ və İngiltərə yığmaları ilə birlikdə «B» qrupuna daxildir. Bu qrupa həmçinin Şotlandiya, Ukrayna və Uels yığmaları arasında keçiriləcək pley-off yarışlarının qlaibi də əlavə olacaq.

FİFA-nın saytı yazıb: Sərdar Azmun və Mehdi Taremi kimi ulduzlarına ümid bəsləyən İran dünya çempionatında ikinci dəfə Amerikanı məğlub etmək və ilk dəfə olaraq, səkkizdə bir final mərhələsində vəsiqə qazanmaq niyyətindədir.

İranın 1978, 1998, 2006, 2014 və 2018-ci illərdə bu yarışlarda iştirak etməsinə işarə edən məqalə müəllifi İranın futbol üzrə dünya çempionatında altıncı dəfə dünyanı heyrətləndirməyə hazır olduğunu bildirib.

FİFA-nın saytı İranın milli futbol komandasının 2018-ci il Rusiya dünya çempionatındakı fəaliyyətini təqdirəlayiq adlandırıb.