İran sionist rejimin Rəfəhə hücumlarını kəskin şəkildə pisləyir
İran Xarici İşlər Nazirliyinin sözçüsü İsrail rejiminin Qəzzənin cənubundakı Rəfəh şəhərinə hücumlarını kəskin şəkildə pisləyib.
Nasir Kənani deyib: "İsrailin bütün beynəlxalq xəbərdarlıqlara və beynəlxalq ictimaiyyətin güclü müxalifətinə baxmayaraq, Rəfəhə hücumu vəhşi rejimin heç bir beynəlxalq normalara hörmət etmədiyini, beynəlxalq sülh və təhlükəsizliyə əsas təhdid mənbəyi olan azğın sionist rejimin vəhşiliyini ortaya qoyur".
O, bildirib ki, sionist rejimin bu hərəkəti yalnız sionist cinayətkarların fərdi və qrup mənafelərini qorumaq üçün müharibəni dayandırmaq və Qəzzədə saxta rejimin soyqırımına son qoymaq üçün beynəlxalq səyləri məğlubiyyətə uğratmaq məqsədi daşıyır.
Kənani regionda sülh və təhlükəsizliyin açarının Qəzzə zolağı və İordan çayının qərb sahilində məzlum Fələstin xalqına qarşı müharibənin dərhal və qeyd-şərtsiz dayandırılması olduğunu vurğulayıb və əlavə edib: "Bütün beynəlxalq aktorlar sionist rejimə təzyiq göstərməlidirlər".
İran Xarici İşlər Nazirliyinin sözçüsü daha sonra vurğulayıb ki, xüsusilə Rəfəh bölgəsində davam edən cinayət və qan tökülməsinə görə məsuliyyət uşaq qatili sionist rejim və onun əsas dəstəkçisi olan ABŞ hökumətinin üzərinə düşür və bu cinayətkarlar sionistlərin cinayətlərinə görə cavab verməlidirlər.
O, qeyd edib ki, İran bir daha beynəlxalq hüquq və məhkəmə orqanlarından sionist aparteid rejiminin hakimiyyət orqanlarının törətdiyi insanlığa qarşı cinayətlərlə mübarizə prosesini sürətləndirməyə çağırır və onları sionistləri mühakimə etmək və cəzalandırmaq üçün mühakimə masasına gətirməyə çağırır.
Qeyd edək ki, qəsbkar sionist rejim çərşənbə axşamı səhər saatlarından etibarən Qəzzə zolağının cənubundakı Rəfəh şəhərinin şərq hissələrini davamlı olaraq, bombalayır. Bu dəlicəsinə hücumlarda indiyə qədər onlarla fələstinli şəhid olub və ya yaralanıb.
