İqtisadi əməkdaşlıqlar İran və Pakistan dövlət başçılarının müzakirə mövzusu
İran və Pakistan dövlət başçıları birgə işçi qrupunun iqtisadi və ticarət əməkdaşlığının genişləndirilməsi, eləcə də iki ölkə arasında qaz kəmərinin qarşısında duran problemlərin həlli sahələrini araşdırmasına dair razılıq əldə ediblər.
İRNA-nın məlumatına görə, doktor Məsud Pezeşkian Nyu-York səfərinin son gününün proqramlarının davamında çərşənbə günü günortadan əvvəl Pakistanın baş naziri cənab Şahbaz Şərif ilə görüşdə İran İslam Respublikasının din qardaşları və əziz qonşuları ilə görüşməkdən məmnunluğunu ifadə edərək, İranın mərhum prezidentinin Pakistana səfərinin bütün razılaşmalarını yekunlaşdırmaq və həyata keçirmək əzmində olduğunu vurğulayıb.
Görüşdə Pakistanın baş naziri Şahbaz Şərif də deyib: "İki ölkə əlaqələrini mümkün qədər yaxşılaşdırmaq üçün Zati-aliləri ilə əməkdaşlığa səmimi hazırıq".
O, sionist rejimin Qəzzə və Livanda törətdiyi cinayətlərin artmasına işarə edərək deyib: "Qəzzə və Livandakı vəziyyət bizim, sizin və bütün dünya xalqlarının dərin və ortaq narahatlığıdır".
